【书籍】藏汉对照 米拉日波传 （刘立千 汉译）
缘 起
ངོ་མཚར་ཅན་གྱི་རྣམ་པར་ཐར་པའི་ཐོག་མ་གླེང་གཞི་དང་བཅས་ཏེ་སྟོན་པ་ནི་འདི་ལྟར་རོ།
།
首先，讲这部希罕的传记的缘起。
ཨེ་མ་ཧོ།
།འདི་སྐད་བདག་གིས་ཐོས་པའི་དུས་གཅིག་ན།
རྣལ་འབྱོར་གྱི་དབང་ཕྱུག་རྗེ་བཙུན་མི་ལ་བཞད་པ་རྡོ་རྗེ་ཞེས་མཚན་ཡོངས་སུ་གྲགས་པའི་ཧེ་རུ་ཀ་ཆེན་པོ་དེ་ཉིད།
ཡུལ་གཉའ་ནང་གྲོད་པ་ཕུག་ཅེས་བྱ་བའི་བསྟི་གནས་དམ་པ་ན།
唉玛火！我曾听说，一个时期名传遐迩的瑜伽自在大赫如迦米拉协巴多吉尊者，居住在聂拉木地区名叫赘巴浦的一个安养圣地。
སྐྱེས་བུ་རས་ཆུང་རྡོ་རྗེ་གྲགས་པ་དང་། རས་པ་ཞི་བ་འོད། ངན་རྫོང་རས་པ། སེ་བན་རས་པ། ཁྱི་ར་རས་པ། འབྲི་སྒོམ་རས་པ། གླན་སྒོམ་རས་པ། རས་པ་སངས་རྒྱས་སྐྱབས། གཤེན་སྒོམ་རས་པ། དམ་པ་རྒྱགས་ཕུ་བ་དང་། སྟོན་པ་ཤཱཀྱ་གུ་ན་ལ་སོགས་ཏེ།
ཐུགས་སྲས་རྣལ་འབྱོར་པ་སར་གནས་ཀྱི་སེམས་དཔའ་རྣམས་དང་། ལེགས་སེ་འབུམ་དང་གཤེན་རྡོར་མོ་ལ་སོགས་ཏེ་སྐལ་ལྡན་གྱི་ཉ་མ་ཕོ་མོ་རྣམས་དང་། ཇོ་མོ་ཚེ་རིང་མཆེད་ལྔ་ལ་སོགས་ཏེ།
འཇའ་ལུས་མཁའ་སྤྱོད་གྲུབ་པའི་མཁའ་འགྲོ་མ་རྣམས་དང་།
གཞན་ཡང་རྒྱུད་ཡོངས་སུ་དག་པའི་ལྷ་མིའི་རྣལ་འབྱོར་ཕོ་མོའི་ཚོགས་དང་བཅས་པའི་དབུས་ན་ཐེག་པ་ཆེན་པོ་ཆོས་ཀྱི་འཁོར་ལོ་བསྐོར་ཞིང་བཞུགས་སོ།
།
大德热穹巴多吉扎巴、热巴希瓦畏、恩宗热巴、斯般热巴、奇热巴、直贡热巴、伦贡热巴、热巴桑吉加、辛贡热巴瑜伽士 、唐巴贾普瓦、敦巴释迦谷那等诸位心传弟子都是登地的菩萨 ；以及勒斯邦和辛多摩等诸有缘女弟子，长寿五仙女姊妹等修炼成了虹霓身体，能在天空飞行的空行女；此外，还有心性清净的天上人间的瑜伽士男女等众，汇聚于尊者座前，尊者为他们转了大乘法轮 。
དེའི་ཚེ་སྐྱེས་བུ་རས་ཆུང་པ་ཁོང་རང་གི་བསམ་གཏན་ཁང་བུ་ན་ཐུགས་དམ་ལ་བཞུགས་པ་ལས།
有一天，大德热穹巴正在禅房修定。
མཚན་ཐོག་ཐག་གཅིག་གི་མཚན་ལམ་ན། ཨུ་རྒྱན་མཁའ་འགྲོའི་གླིང་ཡིན་ཟེར་བའི་ཡུལ་ཡིད་དུ་འོང་ཞིང་ཉམས་སུ་དགའ་བ།
一整夜，他仿佛到了一个地方，据说是邬坚的空行仙洲 。那地方景色优美，叫人心旷神怡。
ཁང་ཁྱིམ་གྱི་རྒྱུ་དང་ས་གཞི་ཐམས་ཅད་རིན་པོ་ཆེ་དུ་མ་ལས་གྲུབ་པའི་གྲོང་ཁྱེར་ཆེན་པོ་ཞིག་གི་ནང་དུ་ཕྱིན་པས།
他进入一座大城，城里房屋、地面，全用各种宝石修成。
གྲོང་ཁྱེར་དེའི་མི་ཐམས་ཅད་དར་གྱི་གོས་གྱོན་ཞིང་རུས་པ་དང་རིན་པོ་ཆེའི་རྒྱན་གྱིས་བརྒྱན་པ།
城里的人们都穿绫罗衣服，用珠宝和骨骼作装饰。
བཞིན་བཟང་ཞིང་ལྟ་ན་སྡུག་པ་ཁོ་ན་འདུག་སྟེ།
个个都长得眉清目秀，端庄俊雅。
དེ་ཐམས་ཅད་བདག་ལ་ཚིག་ནི་མི་སྨྲ་བར་དགའ་བའི་འཛུམ་དང་ལྡན་པས་མིག་ཕར་ཆེར་ཚུར་ཆེར་ལྟ་ཞིང་འདུག་པ་ལས།
大家都不和他说话，只是以笑脸相迎，打量着他。
དེ་རྣམས་ཀྱི་ནང་ན་སྔར་བལ་པོར་མཇལ་བའི་བླ་མ་ཏི་ཕུ་པའི་སློབ་མ་བྷ་རི་མ་དེ་ཡང་གོས་དམར་པོ་ཞིག་གྱོན་ཏེ་གཙོ་མོའི་ཚུལ་དུ་འདུག་པས།
人群中，有一位是他在尼婆罗见过的笛卜巴大师的女弟子巴日玛。她穿一件红色绡衣，像是个领头的样子。
ཚ་བོ་འོངས་སམ། འོངས་པ་ལེགས་སོ་ཞེས་བརྗོད་ནས་རིན་པོ་ཆེའི་ཁང་ཁྱིམ་འདོད་ཡོད་ཟད་མི་ཤེས་པས་གང་བ་ཞིག་གི་ནང་དུ་ཁྲིད་ནས།
她向热穹巴招呼道：“侄儿，你来了呀？来得正好！”于是，引他到了一座琼楼玉宇般宝宫中。宫内一应陈设享用应有尽有。
མགྲོན་གྱི་ཚུལ་དུ་བཟའ་བཏུང་གི་བསྙེན་བཀུར་བཟང་ཞིང་གྱ་ནོམ་པ་བྱས་ཏེ།
她摆出了丰盛精美的馔肴，像招待贵宾一样，接待了热穹巴。
ད་ལྟ་ཨུ་རྒྱན་ན་སངས་རྒྱས་མི་བསྐྱོད་པ་ཆོས་གསུང་གིན་ཡོད་པས་ཚ་བོ་རང་ཡང་ཆོས་ཞུ་ན་ངས་གནང་བ་ཞུའོ་ཟེར་བ་ལ།
接着，巴日玛说：“现在， 不动佛正在邬坚说法，若你愿听，我可以代你乞佛允准。”
ཤིན་ཏུ་ཉན་པར་འདོད་ནས་ལེགས་སོ་བྱས་པས།
འོ་ན་འདོང་ཟེར་མོ་དང་བསྡེབས་ཏེ་ཕྱིན་པས།
热穹巴很想去听，连忙答应了。巴日玛说：“那么走罢！”热穹巴便同她一同前往。
གྲོང་ཁྱེར་དེའི་དབུས་ན་རིན་པོ་ཆེའི་ཁྲི་སྟན་མཐོ་ལ་ཡངས་པའི་སྟེང་ན། བཅོམ་ལྡན་འདས་མི་བསྐྱོད་པ་སྔར་ཡིད་ཀྱིས་བསྒོམས་པ་བས་ཀྱང་ཆེས་ཁྱད་པར་དུ་འཕགས་པ་ཞིག་འཁོར་རྒྱ་མཚོ་ལྟ་བུའི་དབུས་ན་ཆོས་སྟོན་པ་མཐོང་བས་དགའ་བ་དང་བདེ་བས་མྱོས་ཏེ་བརྒྱལ་འགྲོ་བ་ལྟ་བུ་ཞིག་ཐོབ།
在这城市的中央，只见有一个又高又大的宝座，上面坐着世尊不动如来——比平常观想的形象更殊胜庄严。如来正在如海水般众多的眷属中说法。热穹巴见后，高兴得如醉如痴，感到几乎快昏倒了。
དེ་ནས་བྷ་རི་མ་ན་རེ་ཚ་བོ་རང་འདིར་རེ་ཞིག་འདུག་ཅིག
།ངས་སངས་རྒྱས་ལ་གནང་བ་ཞུས་འོང་གིས་ཟེར་སོང་བ་ལས་གནང་བ་ཐོབ་སྟེ།
巴日玛对他说：“侄儿，你暂时在这里等一下，我去请求如来允准，马上就回来！”说罢，她便请求去了。
ཡང་མོས་ཁྲིད་ནས་སངས་རྒྱས་ཀྱི་ཞབས་དྲུང་དུ་ཕྱིན་ཕྱག་བཙལ།
བྱིན་རླབས་ཞུས་ནས་སྤྱན་ལམ་དུ་ཆོས་ཉན་ཞིང་བསྡད་པས།
得到佛的允许后，她又来引热穹巴去到佛的面前，顶礼膜拜，祈佛加持，随即坐在佛的面前，听佛说法。
ཞལ་འཛུམ་པ་དང་བཅས་པའི་ངང་ནས་ཅུང་ཞིག་བདག་ལ་སྤྱན་ཅེ་རེ་བཞུགས་འདུག་པ་ལས་བདག་ལ་བརྩེ་བས་དགོངས་པ་ཡིན་སྙམ་པ་བྱུང་།
如来面带微笑，微微睁开慧眼看了他一下。热穹巴暗想：“佛对我特别慈悲哩！”
ཆོས་གསུང་བ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་གྱི་གདུང་རབས་དང་འཁྲུངས་རབས་མཛད་པ་དང་རྣམ་ཐར་ཁོ་ན་གསུང་ཞིང་འདུག་པས་བ་སྤུ་གཡོ་བའི་དད་པ་ཐོབ།
如来所说的法，全是一切佛菩萨的身世、降生的因缘，以及所作大行等历史。听到这些，他激动得毛发直竖，不禁肃然起敬。
མཇུག་ཏུ་ཏཻ་ལོ་ནཱ་རོ་མར་པ་གསུམ་གྱི་རྣམ་ཐར་སྔར་རྗེ་བཙུན་གྱིས་གསུངས་པ་བས་ཀྱང་རྒྱས་ཤིང་ངོ་མཚར་ཆེ་བ་རྣམས་གསུང་བྱུང་བས་འཁོར་ཐམས་ཅད་མཆོག་ཏུ་དད་པར་གྱུར་འདུག
最后，说到德洛巴 、 那若巴、马尔巴三位的生平事迹，比平时米拉尊者说的还详尽、还精采，使听讲的眷属都产生了极大信仰。
ཆོས་ཀྱི་མཇུག་ཏུ་ནང་པར་གོང་དུ་བཤད་པ་དེ་རྣམས་ལས་ཀྱང་མཆོག་ཏུ་གྱུར་པ་མི་ལ་རས་པའི་རྣམ་ཐར་འཆད་པས་ཉན་དུ་ཤོག་གསུང་ཞིང་འདུག་པ་ལ།
法会快结束时，如来说：“明天早晨，将说比这些更殊胜的米拉日巴的历史，你们都来听吧！”
འཁོར་རྣམས་ཀྱི་ནང་ནས་ཁ་ཅིག་ན་རེ།
གོང་གི་དེ་རྣམས་ལས་མཆོག་ཏུ་གྱུར་པ་བྱ་ཐབས་ཡོད་དམ།
ཡོད་ན་ངོ་མཚར་ཚད་ལས་འདས་པ་ཞིག་ཡོད་པར་འདུག་ཟེར།
于是，听众中有人说道：“还能做到比上面这些更殊胜的吗？！ 若能，定然希罕得无可伦比了！”
ཡང་ཁ་ཅིག་ན་རེ།
གོང་གི་དེ་རྣམས་ཀྱི་ཡོན་ཏན་ནི།
སྐུ་སྐྱེ་བ་མང་པོར་ཚོགས་བསགས་སྒྲིབ་པ་སྦྱངས་པ་ལས་བྱུང་བའི་འབྲས་བུ་ཡིན།
མི་ལ་རས་པ་ནི་ཚེ་གཅིག་ལུས་གཅིག་ལ་ཡོན་ཏན་གོང་མ་རྣམས་ལས་མི་ཞན་པ་ཐོབ་པ་ཞིག་ཡོད་པ་འདུག་ཟེར།
又有人说：“上面诸大德的功德，是在几生中积聚福德 、涤除障蔽的结果。而米拉日巴却是就在一生中即身得到同上面各位祖师一样的功德的呀！”
ཡང་སྔ་མ་ན་རེ།
འོ་ན་དེ་ལྟ་བུའི་ཆོས་ངོ་མཚར་ཆེ་བ་ཡོད་ནས་སེམས་ཅན་གྱི་དོན་དུ་མ་ཞུས་ན་རང་རེ་བུ་སློབ་རྣམས་ཞན་པས་སྒོ་གསུམ་བརྩོན་འགྲུས་དང་སྤོབས་པ་བསྐྱེད་དེ་འགྲོ་བའི་དོན་དུ་ཞུ་བར་རིགས་སོ་ཟེར།
前者又说：“这样的法门真是希罕。为了利益众生，我们若不学习此法，那么，我辈弟子就太不中用了。所以，为了利益众生，我们应当勤策三业，奋发努力地去请求讲说才对！”
ཡང་གཅིག་ན་རེ།
མི་ལ་རས་པ་དེ་ད་ལྟ་གང་ན་བཞུགས་ཟེར། གཅིག་ན་རེ་མངོན་དགའ་འམ་འོག་མིན་གང་རུང་ན་ཡོད་པར་འདུག་ཟེར་བ་ལས།
又有一位说：“那米拉日巴尊者现在何地？”一个答道：“或者在现乐净土 ，或者在色究竟天 ，随处皆在。”
རས་ཆུང་པའི་ཐུགས་ལ།
རྗེ་བཙུན་བཞུགས་དག་བོད་ན་བཞུགས་ཏེ།
གང་ལྟར་ནའང་འདི་རྣམས་ཀྱི་ཟེར་ལུགས་འདི་ང་ལ་ངར་ལྡུད་པར་འདུག་པས།
རྗེ་བཙུན་གྱི་རྣམ་པར་ཐར་པ་ཞིག་འགྲོ་བའི་དོན་དུ་ཅིས་ཀྱང་ཞུ་དགོས་སྙམ་པ་བྱུང་བའི་ཚེ།
热穹巴心想：尊者不就是住在藏地吗？唉，不管怎样，这些人的话是在暗示我。所以，为了利益众生，无论如何我都要请求尊者讲讲他一生的事迹。
བྷ་རི་མ་དེས་རས་ཆུང་པའི་ཕྱག་ནས་བཟུང་སྟེ།
ཅང་ཅང་ཁྲུག་ཁྲུག་མཛད་བཞིན་ཚ་བོས་གོ་བར་འདུག །ཚ་བོས་གོ་བར་འདུག་ཟེར་བའི་ངང་ནས་རས་ཆུང་པ་མནལ་སད་པ་ལས་ནམ་ཐོ་རངས་ཁར་སོང་འདུག་སྟེ།
སྔར་བས་རིག་པ་དྭངས་ཤིང་དགེ་སྦྱོར་རྩལ་ཆེ་བར་བྱུང་བའི་ངང་ནས།
正在想着，巴日玛拉着热穹巴的手摇着说：“侄儿，你懂了吗？侄儿，你懂了吗？”就在这情景中，他从梦中醒来了。那时，天刚黎明，觉得心中比过去更加亮堂，修持力也更大了似的。
མནལ་ལམ་གྱི་རྗེས་སུ་ཐུགས་འཕྲོས་པ་ལས། ཨུ་རྒྱན་མཁའ་འགྲོའི་ཚོགས་དབུས་སུ་མི་བསྐྱོད་པ་ལས་ཆོས་ཉན་པའང་ངོ་མཚར་ཆེ་མོད་དེ།
དེ་བས་ཀྱང་བླ་མ་རྗེ་བཙུན་དང་མཇལ་བ་འདི་གང་ནས་བསམས་རུང་ངོ་མཚར་ཆེ། མི་བསྐྱོད་པ་ལས་ཆོས་ཉན་པའང་རྗེ་བཙུན་གྱི་བཀའ་དྲིན་ཡིན།
ཁོང་རྣམས་རྗེ་བཙུན་མངོན་དགའ་འམ་འོག་མིན་གང་རུང་ན་བཞུགས་ཟེར་བ་ལ།
བོད་ན་བཞུགས་སྙམ་པ་བླ་མ་ལ་བརྙས་བཅོས་ཀྱི་སྒོ་ནས་མཉམ་འགྲོགས་བྱེད་པའི་དྲེད་པོ་ཁྱོད་རང་གི་སྣང་ངོར་ཡིན་མོད།
སྤྱིར་རྗེ་བཙུན་སངས་རྒྱས་ཡིན་པས་སྐུ་གསུང་ཐུགས་ཀྱི་མཛད་པ་བསམ་གྱིས་མི་ཁྱབ།
ཁྱད་པར་དུ་རྗེ་བཙུན་རང་གང་ན་བཞུགས་པ་དེ་ཀ་འོག་མིན་དང་མངོན་དགའ་ཡིན་པར་ཡིད་མི་ཆེས་པའི་ཕུང་པོ་ལོག་ལྟ་མཁན་ཁྱོད་འདྲ་ཡོང་བ་ཞེས་རང་ལ་ངན་སྨྲས་མང་དུ་མཛད་རྗེས།
他追忆梦境自忖道：“在邬坚空行大众的法会中，听不动佛说法，固然难得。但是，我能见到尊者，不管怎么说，就更加难得了。我能听到不动佛说法，也全仗尊者的恩德。他们说尊者或者住在现乐净土，或者住在色究竟天，随处皆在。但是，我却想成是在藏地，这是以轻漫之心把上师看得与自己一般，这只不过是你这傲慢者的臆想罢了。本来，尊者就是佛，所以，他的身、语、意三密大行是不可思议的。尤其是尊者所在之处，就是色究竟天或现乐净土，可是，竟然有我这样连这都不相信的邪见者。唉！”他沉痛地责备着自己，
རྨི་ལམ་གྱི་ཆོས་འཆད་མཁན་དང་ཉན་མཁན་བྷ་རི་མ་དང་ཀུན་གྱི་བརྡ་དེ་རྣམས་ང་ལ་འགྲོ་བའི་དོན་དུ་རྗེ་བཙུན་གྱི་རྣམ་ཐར་ཞུས་ཀྱི་བརྡ་རུ་འདུག་པས་ཅིས་ཀྱང་ཞུ་དགོས་དགོངས་ནས།
随又想到那梦中出现的说法者、听法者和巴日玛等一切梦兆，都是在启示自己，让自己为了利益众生必须去请教尊者的生平事迹。所以，无论如何，都应当去请教
明白才是。
བླ་མ་ལ་མོས་གུས་ཐུན་མོང་མ་ཡིན་པ་ཞིག་སྐྱེས་ནས་གསོལ་བ་སྙིང་ཁོང་རུས་པའི་དཀྱིལ་ནས་བཏབ་སྟེ།
དར་ཅིག་ཐུགས་དམ་གྱི་ངང་ལ་བཞག་པས།
这时，他对师尊产生了非同一般的尊敬和信仰，从心坎里诚心祝祷，顷刻又重新入定。
ཡང་མནལ་དང་འོད་གསལ་འདྲེས་པའི་ཉམས་ཀྱི་ངང་ལ་ཨུ་རྒྱན་གྱི་རྒྱན་དང་ཆ་ལུགས་ཅན་གྱི་ན་ཆུང་མཛེས་མ་དཀར་སྔོ་སེར་དམར་ལྗང་བ་ལྔ་རས་ཆུང་པའི་མདུན་ན་ཚུར་བསྒྲིགས་ཏེ་འདུག་པའི་གཅིག་ན་རེ།
ནང་པར་མི་ལ་རས་པའི་རྣམ་ཐར་གསུང་བ་ཡོད་པར་འདུག་པས་ཉན་དུ་འགྲོ་ཟེར།
在由梦幻和光明定景融合而成的境界中，他看见五个着邬坚装束，分别穿着白、青、红、黄、绿等各色衣服的妙龄美女站在他面前。其中一个说：“明天早晨要讲米拉日巴的历史，应当去听听！”
གཅིག་ན་རེ་ཞུ་བ་པོ་སུ་ཡོད་ཟེར།
གཅིག་ན་རེ་ཐུགས་སྲས་བུ་ཆེན་རྣམས་ཀྱིས་ཞུས་ཏེ་འོང་ཟེར་བའི་ཚེ། ཀུན་རས་ཆུང་པ་ལ་མིག་འཛུམ་ཤིག་ཤིག་འདུག་སྐད།
另一个问道：“提出请求的人是谁？ ” 一个答道“ ：可能是那些心传大弟子们。 ” 说到这里，她们都笑嘻嘻地望着热穹巴。
གཅིག་ན་རེ་ངོ་མཚར་ཅན་གྱི་ཆོས་ཉན་པ་ལ་ཀུན་སྤྲོ་བས་རང་རེ་རྣམས་ཀྱང་གསོལ་བ་བཏབ་པ་དྲག་ཟེར།
གཅིག་ན་རེ་རྣམ་ཐར་ཞུ་བ་བུ་ཆེན་རྣམས་འོས།
རང་རེ་རྣམས་ལ་དེའི་བསྟན་པ་སྤེལ་བ་དང་སྐྱོང་བ་བབ་པ་ཡིན་ཟེར་ནས་འཇའ་ཡལ་བ་བཞིན་སོང་།
一个又说：“听讲稀有之法大家都高兴，我们也一同去请求好了！”另一个说：“请求讲传记，应该他们大弟子去。我们的责任只是宏扬和保护这个正法而已。”说完，便都化为虹光消失了。
དེ་རྗེས་རས་ཆུང་པ་ཡང་འོད་གསལ་ལས་བཞེངས་པས།
མཁའ་ལ་ནམ་ལངས་ཉི་མ་ལྷག་གིས་ཤར་འདུག་སྟེ། རས་ཆུང་པའི་ཐུགས་ལ་ཚེ་རིང་མཆེད་ལྔའི་བརྡ་དེ་རྣམས་ཀྱང་གོ་བར་འདུག་གིས་དགོངས་ནས།
ཐུགས་དམ་རྗེས་ཐོབ་ཀྱི་ངང་ལ་འཚོ་བའི་སྟ་གོན་བྱས་ཏེ་ཚིམ་པར་རོལ་ནས།
བླ་མའི་དྲུང་དུ་བྱོན་པས་འཁོར་གྲྭ་པ་བུ་སློབ་ཉ་མ་དང་བཅས་པ་རྣམས་ཀྱང་བླ་མའི་དྲུང་ན་ཁྲ་མེ་རེ་འཛོམ་འདུག་སྐད།
热穹巴从光明定中起来时，天已大亮，一轮红日已金光闪闪地升上了天空。他想到梦中长寿五仙女姊妹的那些表示，也应理解为对自己的启发和敦促。出定之后，便准备饮食，痛快地吃了一顿饭，随即来到上师面前。这时，男女僧俗弟子都已聚于上师面前，袈裟、绡衣放出缤纷的光芒。
评论
发表评论